M'insunnai

Stanotti fici nu sonnu

eru picciridda e spittavu a notti i Natali

cu' na gioia immensa nto cori...

Mi truvavu  a casa di nonni

e sapia chi regali già eranu pronti.

Nonnu Francescu i mittia,

 a sira prima di Natali,

suttu u lettu

e a matina dopu,

 noi picciriddi vaddavamu nterra

e i pigghiavamu cu tanta gioia.

U sapivamu ch'eranu mucciati

ma pi farlu cuntentu

mbrugghiavamu di nun sapiri nenti. 

Ranni era u Natali

fattu d'amuri e fratillanza.

I nonni nun lassavanu sulu a nuddu...

na parola, nu ducittu,

na cuddrurella c'era pi tutti!

No randi gesti ...

ma picculi cosi chi dunavanu

na gioia randi assai!

Nu presepi picciriddittu

cu pastorelli spessu sciancati,

nenti luci ma mandarineddi 

pi fari a conca e muschiu veru

pigghiatu nta campagna...

Oggi? Nenti amuri...

luci chi t'abbaglianu

magari pi' mucciari a solitudini, 

rigali randi assai...

ma sulu apparìnti felicità!

Nuccia