Nta notti i vuci puru basci parunu iauti
e u scantu mi pigghia…
nta nu vidiri e svidiri si comu na picciridda e tremi !
Allura a me ricchi cecca di pigghiari i rumuri ca canusci
e mprovvisu ci pari i sentiri lu mari chi canta,
a luna chi rispundi, a foglia chi danza, aceddu chi movi li ali,
lu mummuriu duci di na mamma pu so picciriddu ,
u spasimu d’ amori di na coppia,
a prighiera di nu vecchiu,
u sonu di na campana,
u miagoliu di na iatta,
u rispundiri di nu cani ,
e dopo comu na magia
mi patri chi m’accarizza e dici
“Ca ‘ sugnu, nun ti lassu’
Allura chiudu l’occhi e dommu.
Nessun commento:
Posta un commento