I mbuttaturi

 I vidia da picciriddu

vi giuro pi mmia

giganti pariunu.

Nun c’ era vota chi dicia

“ chi forza hannu

quannu sugnu randi

anch’iu u vogghiu fari”

Criscii cu sto pinzeri

a Madunnuzza m’ aiutò,

e oggi ‘mbuttaturi sugnu.

E quannu a vara pottu

vi giuro mi sentu n’autru.

A stanchizza nun sentu,

u duluri nimmenu

i pedi vannu,

i brazza spinciunu

u cori canta ca bucca.

E s’ mprovvisa a fozza manca

pregu u Signuruzzu

e idda torna subito.

‘ Mbuttaturi sugnu

u sarò finu a me fine.

Nuccia Isgrò #festereligiose #festereligiosesicilia #mbuttatori#poesiedistrada #lavitae’poesia